في السنوات الأخيرة، ابتدى مصطلح "التكنولوجيا في التعليم" يستخدم بكثرة، وما بين رغبة الوزارة في تمكين التكنولوچيا والاستفادة منها، وبين رغبة الطلبة والمعلمين إنهم يواكبوا قطار التقدم، تفعيل الفكرة بشكل كامل في نظامنا التعليمي أكيد هياخد شوية وقت.
لكن بعيدًا عن تفعيل الفكرة من عدمها، بصورة مبدئية، في أدوات وسبل كتير نقيت لكم الأفضل والأنسب منها على الكمبيوتر والانترنت هتفيدك لو انت معلم أو بتشتغل في مجال التعليم وهتسهل عليك شغلك وتحفز طلابك.
نماذج مايكروسوفت الجاهزة
ودي عبارة عن برامج تحرير نصوص بتحتوي على نماذج سهلة الاستخدام زي نماذج: تقارير للطلاب، شهادات، ونماذج خطة الدرس.
بعد الدخول على الرابط الخاص، اختار النموذج المناسب وحمله مجانًا على جهاز الكمبيوتر الخاص بك، وبعدها يمكن التعديل والتنسيق حسب الرغبة.
معروف اكسيل باستخدامه الشائع في العمليات الحسابية، لكن في الرابط ده هتلاقي نماذج زي: قائمة مهام للمعلم، وتقويم الطالب، وإدارة الفصل، وقاعدة بيانات للطلبة.
برنامج باوربوينت معمول مخصوص لتصميم العروض التفاعلية والجذابة، وهتلاقي في الرابط نماذج تفيدك.
تطبيقات وبرامج
تطبيقات موبايل متنوعة
مقال يحتوي على أكثر من ٨ تطبيقات يمكن تحميلها على الموبايل واستخدامها داخل الفصل، زي تطبيقات إدارة الشغب والسلوك داخل الفصل وتصحيح الاختبارات.
بعد تثبيت الإضافة دي على المتصفح عندك هيخليك تترجم أي جملة أو كلمة بمجرد التظليل عليها، ودي خاصية هايلة هتوفرلك وقت لأنك مش هتضطر تنسخ النص وتترجمه على موقع الترجمة الأصلي.
الرابط بيشرح بالصور كيفية التثبيت وبدء العمل.
الخرائط الذهنية بتسهل تذكر المعلومة وحفظها.
البرنامج بيتيح تصميم خرائط جذابة بأشكال وألوان متنوعة.
كتاب مجاني فيه معلومات عن أكثر من ١٠٠ برنامج مجاني ومفتوح المصدر، يمكن استخدامهم مجانًا.
برامج في كل حاجه من برامج تحرير الصوت والفيديو والصور وإنشاء الرسوم الكارتونية لحد برامج إدارة الملفات والانترنت.
مصادر شرح المناهج الدراسية
صفحة فسيبوك فيها بوستات بتشرح كيفية تنفيذ بعض التجارب العملية
أكاديمية خان هي موقع للتعليم عن بعد، فيها كم كبير جدًا من الدورات والكورسات في مجالات متعددة ومتخصصة، والمميز في أكاديمية خان انها بتشرح من وجه نظر علمية زي الرياضيات والفيزياء والكيمياء
موقع نجوى لشرح المناهج المصرية عن طريق الفيديوهات وبرامج تسجيل الشاشة، الموقع فيه غالبية المناهج الحالية.
موقع دورات للتعلم عن بعد في مجالات وتخصصات كتير في التعليم وغيره.
شرح لأغلب المناهج المدرسية في جميع المراحل.
فيديوهات مبسطة وقصيرة على يوتيوب، بتشرح مفاهيم أساسية في أغلب المجالات العملية زي الفلسفة وعلم النفس والفيزياء والكيمياء.
هو منتدى للنقاش بين المعلمين في جميع المراحل، موجود عليه خطط تحضير الدروس، وملخصات لبعض المناهج.
ودي كنز كبير لمحبي الاطلاع وحب الاستكشاف، وهي جزء من موقع تيد المشهور، وفيها فيديوهات كرتونية بسيطة وسهلة، مش هتحس بالملل وانت بتتفرج وبتفهم أعقد النظريات العلمية في خمس دقائق.
الجميل برضو إن معظم الفيديوهات مترجمة للعربية، كل ما عليك هو ضغط علامة cc داخل الفيديو وبعدين تغير لغة الترجمة للعربي من subtitles .
قناة على موقع يويتيوب بتشرح بأسلوب الملخص وبعض العلوم المتخصصة وبرضو الفيديوهات تدعم اللغة العربية.
مواقع متخصصة في التعليم
وهي مدونة بتنشر أبحاث مترجمة في نظريات التعلم والتربية.
موقع بينشر مقالات متنوعة في مجالات التعليم المختلفة بتهتم بالطالب والمعلم على حد سواء.
كذلك موقع ينشر مقالات في موضوعات التعليم من وجهة نظر المتعلم.
من أكبر المواقع العربية اللي بتحتوي على كم هائل من المعلومات والمقالات الثرية جدًا في جميع مناحي التعليم والتعلم.
نصيحة أخيرة:
قبل الدخول لكل المواقع دي لازم نحدد احتياجنا الأول، لأن مهما كان محدش هيقدر يستخدم كل الادوات في وقت واحد، التكنولوچيا دي عامله زي أوضه كبيرة مليانه كراكيب وصناديق في كل مكان، لو قررت الاستعانة بيها لمساعدتك في مادتك وفتحت الباب بعنف مرة واحدة هتلاقي الكراكيب كلها وقعت عليك وهتلاقي نفسك هوب ممدد على الأرض من قوة دفع محتويات الأوضه، ملايين من مواقع الانترنت بتطير من فوق راسك، وأدوات وبرامج بتعدي من تحت رجلك، وفيديوهات وأفلام مالهاش أول من آخر، وفي الآخر مش هتستفيد أي حاجه.
لكن بقى لو خدت احتياطاتك ولبست خوذة الرأس، وفتحت بشويش واحده واحده – من غير ما التكنولوچيا تحس يعني – هتعرف تدخل بأمان، وتفتح النور كمان وتدور براحتك، وبعدين تاخد اللي انت عاوزه وتخرج بسلام. وكأن مفيش حاجه حصلت.
وتأكد إن دورك كمعلم أهم بكتير من أي وسائل أو أدوات و إن التكنولوچيا مش هتغني عن دورك ، وهنا أحب أسيبك مع محاضرة موقع تيد عن دور المعلم وأهميته.
عبد الحميد محمود